پرۆژە یاسایا رۆژا نشتیمانی یا تێلەڤزیونا کوردستانی
ب فه‌رمی دانه‌نیاسینا رۆژا ١٨-٦-١٩٩١ رۆژا پەخشکرنا بەرنامێن ئێکەم تێلەڤزیونا کوردی پشتی سەرهلدانێ ل باژێرێ زاخۆ ب رۆژا نشتیمانی یا تێله‌ڤزیونا كوردستانی. و ژبه‌ر وه‌ستیان و ماندی بونا وان كه‌سان و یێن تا نوكه ژی ل تێله‌ڤزیونێن كوردستانی كاردكه‌ن ماندیبونا گه‌له‌ك ژوان لبه‌رچاڤ نینە، و ژبەر رۆلێ کاریگەر یێ بەلاڤکرنا هشیاریێ، و رەوشەنبیریێ، پشتەڤانیکرن ل دانوستاندنا تەخان و جڤاکی و کویرکرنا لێکتگەهشتنا دناڤبەرا پێکهاتە و تەخێن جڤاکێ هەرێما کوردستانێ. هەستکرن ب گرنگیا راگەهاندنێ د ئاڤاکرنا جڤاکەکێ دیموکرات، و باوەریکرن ب بهایێ ئازادیا رادەربڕینێ و ئازادیا راگەهاندنێ پرێنسیبەکا نە دابڕایی ژ مافێن مرۆڤی، ئه‌ڤ یاسایە هاته ده‌ركرن.
ماددێ ئێکێ
رۆژا ١٨مەها حزەیرانێ ژ هەر سال ب رۆژا نشتیمانی یا تێلەڤزیونا کوردستانی ل هەرێما کوردستانێ د ئێتە دانان.
ماددێ دوێ
ئارمانج ژ رۆژا نشتیمانی یا تێلەڤزیونا کوردستانی
١- بیرئانینا وان کارمەند و میدیاکارێن دێرین یێن سالێن بوری د تێلەڤزیونێن کوردستانی دا کارکرین، رێز ل کار و ماندیبونا وان بێتە گرتن.
٢- ده‌زگه‌هێن راگه‌هاندنێ و خه‌لكێ كوردستانێ سه‌رپشككرینه ب ساخكرنا ڤێ رۆژێ.
٣- پشتەڤانیکرن و بەرهەمئینان و پەخشکرنا بەرهەمێن لوکالی ئەوێن ژ ناخێ ناسنامە، دیرۆک و کەلتورێ مللەتێن کوردستانێ دەردکەڤن.
٤- دوپاتیێ ل ئازادیا رادەربڕینێ و ئازادیا رۆژنامەڤانیێ دکەت. و پاراستنا رۆژنامەڤانان و کارمەندێن دەزگەهێن راگەهاندنێ.
٥- خەلاتکرنا دەزگەهـ و کەسێن دەست د پێشئێخستنا بوارێ تێلەڤزیونێ دا هەبیت ل هەرێما کوردستانێ.
ماددێ سیێ
ده‌زگه‌هێن راگه‌هاندنێ و خه‌لكێ كوردستانێ سه‌رپشككرینه ب ساخكرنا ڤێ رۆژێ.
ماددێ چوارێ
پێدڤیه حكومه‌تا هه‌رێمێ ڤێ بریایرێ بجهبینیت.
ماددێ پێنجێ
ئه‌ڤ بریاره ل وه‌قائعی كوردستان دێ ئێته به‌لاڤكرن، و دێ چیته دبوارێ جێبه‌چێكرنێ دا.
